Siri jwenn chans li.

Tradiksyon an bay grasa Depatman Deta Ameriken an Lansman pwosedi pou retire deziyasyon Siri kòm yon Eta ki Patwone Teworis Depatman Deta Etazini Marco Rubio, Sekretè Deta 8 Jiyè 2026 Kominike pou laprès Jodi a, Prezidan Trump te enfòme Kongrè a sou entansyon administrasyon li a pou retire deziyasyon Siri kòm yon Eta ki Patwone Teworis apre yon peryòd avi 45 jou. Sa a se yon lòt etap istorik Prezidan Trump te pran pou bay pèp siryen an yon chans pou reprann grandè li. Leve sanksyon yo kont Siri a pral libere komès ak envestisman entènasyonal yo, bay Siri yon chans pou l rebati, epi louvri yon nouvo chapit pou pèp siryen an. Yon Siri ki estab, inifye, anpè ak tèt li ak vwazen li yo pa sèlman benefisye rejyon an men lemonn antye. Anilasyon sa a vini apre dekrè prezidansyèl Prezidan Trump te pibliye nan dat 30 jen 2025 la, ki bay lòd pou diminye sanksyon kont Siri yo, chanjman pozitif ak mezi anti-teroris gouvènman siryen an te pran sou prezidans Ahmed Al-Charaa, ansanm ak asirans fòmèl Prezidan Ahmed Al-Charaa te bay ke Siri pap sipòte okenn zak teworis entènasyonal nan lavni. Jou sa a make yon etap enpòtan nan renouvèlman relasyon bilateral ant Etazini ak Siri, epitou nan listwa Siri. Nou felisite gouvènman siryen an pou l te trase yon nouvo chemen epi nou anvi ranfòse patenarya nou ak Siri ak pèp li a. Gade kontni orijinal la: https://www.state.gov/releases/office-of-the-spokesperson/2026/07/initiating-rescission-process-of-syrias-designation-as-a-state-sponsor-of-terrorism/ Nou ofri tradiksyon sa a gratis. Se sèlman tèks orijinal anglè a ki fè otorizasyon. Pou mete ajou abònman ou yo, chanje modpas ou oswa adrès imel ou, oswa anile abònman ou yo nenpòt ki lè, klike sou pwofil ou. Ou pral bezwen itilize adrès imel ou pou konekte. Pou nenpòt kesyon oswa pwoblèm ak sèvis abònman an, gade èd pou abònen yo . Biwo Angajman Medya Entènasyonal Depatman Deta a bay sèvis sa a gratis. Swiv USA an franse sou Twitter ! Yo te voye imèl sa a bay PLANETGRANDANSE@GMAIL.COM atravè Granicus Communications Cloud sou non: Depatman Deta Biwo Angajman Medya Entènasyonal · 2201 C Street, NW · Washington, DC · 20520